**کتاب: ابنِ آدم**
**مصنفہ: صائمہ اکرم چوہدری**
صائمہ اکرم چوہدری کا شاہکار، **"ابنِ آدم"**، ایک ایسی کتاب ہے جو اپنی خوبصورت کہانیوں اور سادہ مگر مؤثر انداز تحریر کے باعث قارئین کے دلوں میں گھر کر لیتی ہے۔ کتاب کا عنوان جتنا خوبصورت ہے، اس کی کہانیاں اس سے بھی زیادہ دلکش ہیں۔ صائمہ اکرم چوہدری کی ہر کہانی تعریف کے لائق ہے اور "ابنِ آدم" اس کی بہترین مثال ہے۔
**پہلی کہانی: ابنِ آدم**
"ابنِ آدم" کہانی ہے اللہ کے لیے محبت سے دستبردار ہونے والوں کی۔ یہ داستان انسانوں کے اللہ کی مرضی کے آگے سر تسلیم خم کرنے کی ہے۔ ارفع عزیز، جو ایک قابل ڈاکیومنٹیٹر ہے، اور خضر حیات، جو ایک مشہور صحافی ہے، کی بے پناہ محبت ایک امتحان کا شکار ہوتی ہے۔ کہانی کا موضوع بہت گہرا ہے: "اگر تم وہ کرو گے جو اللہ کی مرضی ہے تو اللہ وہ کرے گا جو تمہاری مرضی ہے۔"
**دوسری کہانی: بنتِ ہوا**
"بنتِ ہوا" محبت پر عزت کو ترجیح دینے کی کہانی ہے۔ حریم، جو فیس بک کے ذریعے نوفل یزدانی کی محبت میں گرفتار ہوتی ہے، جلد یہ بات جان لیتی ہے کہ اگر محبت کو شک کے قلعے میں قید کردیا جائے تو وہ قلعے کی دیواروں سے ٹکرا کر مر جاتی ہے۔ نوفل محبت میں شک کا عادی ہے اور اس کے نزدیک یہ غلط نہیں ہے۔ یہ کہانی ہر اس لڑکی کے لئے ہے جو مرد کی محبت میں شک کی آمیزش سے واقف ہیں اور سمجھتی ہیں کہ یہی محبت ہے۔ لکھاری نے اس بات کی نفی کی ہے۔ کہانی کا اختتام مصنفہ نے بہت جلد کردیا، حریم کی سوچ میں تبدیلی کے عمل کو تھوڑا زیادہ بیان کرنا چاہیے تھا۔
**تیسری کہانی: میرے خواب چہرہ گنوا گئے**
"میرے خواب چہرہ گنوا گئے" ایک نہایت خوبصورت کہانی ہے جو دل کے بہت قریب ہے۔ نور فاطمہ، ایک لکھاری اور یونیورسٹی کی ٹیچر، اور اکاش علی، جو اس کی تحریر کا مداح اور دوست بھی ہے، کی کہانی ہے۔ اکاش کو نور سے محبت ہے، لیکن نور کو کچھ خدشات لاحق ہیں۔ کیا نور اکاش کی محبت قبول کر لے گی یا یہ محبت اپنا رنگ کھو دے گی؟ ٹیپو ناکام محبت کا شکار ہے اور مسٹر راؤ اس کی محبت میں ناکامی کی وجہ جاننا چاہتے ہیں۔ مسز راؤ کسی روگ کا شکار ہیں اور کچھ ہے جو ان کو اندر سے کھا رہا ہے۔ کیا مسٹر راؤ اپنی بیوی کی ذات کی پہیلی سلجھا پائیں گے؟ یہ کہانی تینوں کہانیوں میں منفرد ہے اور بہت سے ٹوسٹ ہیں جو قاری کو آگے پڑھنے پر مجبور کرتے ہیں۔
**اختتامیہ:**
اگر آپ ایک کتاب میں تین بہترین کہانیاں انجوائے کرنا چاہتے ہیں تو "ابنِ آدم" ایک بہترین آپشن ہے۔ صائمہ اکرم چوہدری نے اس کتاب میں محبت، قربانی، اور عزت کے موضوعات کو نہایت خوبصورتی سے بیان کیا ہے۔ ہر کہانی اپنے انداز میں منفرد ہے اور قاری کو اپنے سحر میں جکڑ لیتی ہے۔
